Skrifstofan

Álftanesskóli notar spjaldtölvur til að auka áhuga og námsárangur í stærðfræði

Álftanesskóli, A4, Námsgagnastofnun og Menntavísindasvið Háskóla Íslands hafa undirritað samning um skólaþróunarverkefni sem felur í sér samvinnu um eflingu kennslu, hvatningu til aukins áhuga og námsárangurs í stærðfræði í 4. og 6. bekk skólans.
 

Álftanesskóli, A4, Námsgagnastofnun og Menntavísindasvið Háskóla Íslands hafa undirritað samning um skólaþróunarverkefni sem felur í sér samvinnu um eflingu kennslu, hvatningu til aukins áhuga og námsárangurs í stærðfræði í 4. og 6. bekk skólans. Í samningnum felst að skólinn kaupi allt að 60 spjaldtölvur af gerðinni LearnPad 2 frá Avantis Systems Ltd, en A4 er dreifingaraðili þeirra hér á landi. Auk þess fær skólinn m.a. 22 forrit með hverri vél, 12 rafbækur, vefstjórnargátt ásamt ráðgjöf og kennslu frá sérfræðingi.
Ingibjörg Ásgeirsdóttir, forstjóri Námsgagnastofnunar, segir verkefnið afar spennandi. Við höfum við trú á því að notkun á stafrænu námsefni á spjaldtölvum geti ýtt undir sjálfstæði nemenda og skapandi nám og kennslu. Reynslan verður þó að leiða í ljós hvaða áhrif ný tækni hefur á skólastarf og því er afar mikilvægt að markvisst sé fylgst með tilraunum af þessu tagi svo hægt verði að meta raunveruleg áhrif spjaldtölvunotkunar á skólastarf.
 
Gauti Eiríksson, kennari við Álftanesskóla, segir tvennt skipta mestu máli í vali á LearnPad 2 fyrir verkefni sem þetta. Vélin er með Android kerfi gerir það að verkum að spjaldtölvan er mun opnari en aðrar spjaldtölvur og hægt er að nota vefsíður sem keyra á flash en það gera einmitt flestar síður sem eru með kennsluforrit. Vefgáttin, sem gerir kennurum kleift að setja upp aðgang fyrir ákveðinn hóp nemenda, skiptir einnig gríðarlega miklu máli.
 
Óskar Sigurðsson, vöru- og verkefnastjóri náms- og kennslugagna hjá A4, segir LearnPad 2 hafa öruggt notendaviðmót sem aðlaga megi að þörfum nemenda. Spjaldtölvan hefur öruggan vafra sem veitir nemendum aðgang að viðurkenndum vefsíðum, vefstjórnargáttin gerir kennurum auðvelt að nýta hana í kennslu, og síðast en ekki síst er hún tveggja kjarna.
 
Verkefnið verður tekið út af sérfræðingum menntavísindasviðs HÍ sem skila lokaskýrslu um það sumarið 2014. Reiknað er með að spjaldtölvurnar verði allar komnar í notkun þegar kennsla hefst að nýju í ársbyrjun 2013.
 
Viltu vita meira um LearnPad2? Kíktu á þetta frábæra myndband.
 
 
 
07.01.2013



Aftur upp